Uharteko Andre Mari Emakume Taldeak «Mujer e Interculturalidad» ekimena antolatu duen bigarren urtea da. Bihar hasiko da eta ekimen horren bitartez, auzoan dauden kultur, arraza eta nazionalitateen arteko gogoetarako eta elkarbizitzarako gunea lortu nahi du.

Hauek dira aurkeztutako jarduerak: irailaren 4an, asteartea, arratsaldeko 7.30ean, Isabel Olgadok hitzaldi bat eskainiko du Kultur Etxean. «Mujeres inmigrantes, viajeras que transforman el mundo» da hitzaldiari jarri dion izenburua. Egun bat geroago, irailaren 5an, asteazkena, Carmen Garcíak beste hitzaldi bat eskainiko du arratsaldeko 19.30ean «La mujer invisible: motor del desarrolo en África» izenburuarekin.

Ekimenari amaiera emateko, Irailaren 8an, larunbata, «Mujeres Invisibles» erakusketa zabalduko da 12.00etan Kultur Etxean. Bitartean, San Juan Plazan ipiniko den karpan sabela betetzeko parada izanen da. Izan ere, ordu batean, munduko hainbat herrialdetako plater tipikoak dastatzen ahalko dira eta, geroagoko, haurrek ere disfruta dezaten, jokoak antolatu dituzte Txubindo taldearekin. 14.30ean herri bazkaria izango da eta, tripa arintzeko, musika eta dantzaldiak prestatu dituzte. Azkenik, arratsaldeko 7.00etan, Algora taldearen ikuskizunak ezin baztertzekoak izanen zaizkie Uharteratzen diren guztiei.

Andre Mari taldeak auzokide guztiak ekimenean parte hartzera animatzen ditu; izan ere, kultura ezberdinak ezagutzeko aukera bikaina da.