Iruñeako eremu ezberdinetako hiritarrek deialdia luzatu dute San Ferminetan ikurrina "era ofizial eta herritarrean" presente egon dadin. Besteak beste hainbat sindikalista, hautetsi ohi, Peñeako kide edo herri zein gazte mugimenduko kide daude deialdi honen atzean, eta Bai Euskal Herriari antolakundeak aurrera darraien Geurea Ikurriña! dinamikaren baitan kokatu dute.
Geurea Ikurriña! dinamikaren helburu nagusia Euskal Herriaren isla diren ikur eta sinboloak erabili eta aldarrikatzeko deia luzatzea da, eta norabide horretan, San Ferminetan ere ikurriña prresente egotearen garrantzia azpimarratu dute.
Adierazpen hau sinatzen duten hiritarrek Euskal Herria bi estaturen baitan kokatzen duten nazioa da, eta hala, lau administrazio ezberdinetan bananduta dagoela azaltzen dute. Horren eraginez, Euskal Herriaren berezko sinboloak forma ezberdinean tratatuak direla adierazi dute, bai eta sinbolo horien erreferente nagusia ikurriña bera dela.
Horrekin batera, ikurriñak Euskal Herri osoa eta euskal jendarte osoa batzen duela aldarrikatu dute ekimenaren bultzatzaileek, "espainiar banderak inposaketa, errepresioa eta erabakitzeko dugun eskubidearen ukazioa" barnebiltzen duen bitartean. Horregatik, ikurriña erakunde publikoetan egon beharra duela defendatzen dute, eta hori lortze bidean, ikurriñaren presentzia bermatzea hiritarron esku dagoela aldarrikatu dute.