Askatasunak jakinarazi duenez, Iruñean jaiotako Pello Sanchez preso politikoa heriotza arriskuan da Nafarroako Unibertsitate Klinikako adituen arabera. 2001. urtean aorta lesio bikoitza somatu zioten, eta 2005etik espetxeratuta dago.

Askatasunak jakinarazi du Pello Sanchez bezala, 14 preso politiko direla osasun egoera larrian daudenak eta espetxean mantentzen dituztenak. Antolakunde antirepresiboak salatu du espetxeetan dituzten "muturreko bizi baldintzek eta osasun asistentzia ezak" osasun egoera gaiztoak goratzeak ahalbidetzen duela, eta horien larritzeak hainbat kasutan presoak heriotzaraino eraman dituztela salatu zuen ere.

Hori dela eta, hiltzailetzat kalifikatu dute frantziar zein  espainiar agintarien espetxe politika, eta bi estatu hauen mendeku gosearen eta krudeltasunaren ondorio dela adierazi dute.

Azkenik, Askatasunak berehalako neurriak hartu behar direla azpimarratu du, gaixotasun larriak dituzten presoen eta kondena beteta dutenen berehalako kaleratzea exigitzearekin batera. Eta horretarako, espetxe politika honen aurkako mobilizazio eta presio herritarra antolatzen jarraitzeko deia luzatu du.