Larunbatean entzutegi nazionaletik pasa ondoren aske gelditu zen Mikel Flamarikek tratu txarrak salatu zituen epailearen aurrean eta sabotaia batek ardura bere gain hartzera behartu zutela adierazi du. Barañaingo jaietan buruturiko sabotaia bat bere gain hartu zuen, baina epaileari jakinarazi zion ezinezkoa zela hori berak egin izana ordu horretan taberna batean lanean zegoelako.
Honetarako modu askotako tratu txarrak salatu zituen, kolpeak jasan zituela, ariketa fisikoak egitera behartzen zutela, lo egitea galarazi ziotela, mehatxuak egin zizkiotela bere amarekin...

Honen harira Amnistiaren Aldeko Mugimenduak aurrez agertu zuten  kezka baieztatu dela  esan zuen. "Espainiar poliziak presio eta bortxaren bidez gazte honen autoinkulpazioa bilatu du, sabotaia batean parte hartu zuela esatera behartuz. PSOEk argi erakutsi du beste behin mota guztietako bortxakeriak erabiltzeko prest dagoela bere helburu politikoak lortzeko, kasu honetan gazte hauen autoinkulpazioak" salatu zuten taldetik.
Beste aldetik Amnistiaren Aldeko Mugimeduak "benetako kezka adierazizuen beste gazteek une hauetan bizi duten egoeraren inguruan". Gogoratu behar da gazte hauek bost egunez inkomunikaturik egon ondoren oraindik inkomunikazioa luzatu dietela.