Pasa den larunbatean Iker Esparza txantreako preso politikoa aske geratu zen 5 urte Iruñako eta Leongo kartzeletan egon ondoren. Iker 2002. urtean espetxeratu zuten Sergi Perez auzokidearekin batera, 5 urteko zigorra betetzeko. Bere kaleratzearen egun berean auzoaren ongi etorria jaso zuen Irubide parkean.

Ekitaldi honetan Mikel Gil "Kurika" Txantrea auzoko presoa ere gogoan izan zuten, izan ere Kurikak 15 urte kartzelan igaro ditu. "Gartzelan egondako urte luze hauetan, Kurikak, gainerako euskal preso politikoek bezala, bizi baldintzarik zailenak pairatu ditu, bere eskubide oinarrizkoenak ere zanpatuak izan direlarik. Presoen eskubideak sistematikoki urratzen dituen espetxe politika honek Txantreako auzokidearen gaixotzea  eragin du eta baita bere gaixotasunaren larritzea ere, duinezko osasun zainketa ezak dakarrena hain zuzen", diote Askatasunatik.