Hilaren 16an, ostiralean, Jabier Muguruzak kontzertu bat eskainiko du Atarrabian, Karrikaluze elkarteari eta Udalari esker.Hitzordua arratseko 8etan izanen da, Kultur Etxeko Gune Eszenikoan.

Sarrerak 3 euro balio du eta hilaren 12tik aurrera erosten ahalko da. Muguruza bizitza osoa darama musika munduan, bai bakarlari bai beste proiektu batzuetan sartuta. Bere azken lana, Konplizeak, iaz kaleratu zuen.

Biografia 

Jabier Muguruza 1960an jaio zen Irunen, eta bost urte zituela musika munduan murgildu zen. Akordeoiarekin kontzertuak ematen hainbat urtez aritu ondoren, proiektu ezberdinetan parte hartzen hasi zen, bai rock bai kantautore munduan: Zarama, Imanol, Kortatu, Antton Valverde, Xabier Lete, Delirium Tremens...

1989an, bide pertsonalago bati ekinez, haurrentzako diskoa grabatu zuen, "Ja, Ja" izenekoa (IZ, 1989). 1990ean Les Mecaniciens pop taldea sortu zuen, modu horretara hiru lan kaleratu zituelarik: "Erabakia" (Elkar, 1990), "Ia Xoragarria" (Elkar, 1992) eta "Euskadi jende gutxi" (Esan Ozenki, 1993). Era berean, Joxe Ripiauren partaide ere izan zen, taldearen sorreratik 2000. urtean desegin zen arte.

Kantautore gisa 94an hasi zen lanean, orain arte honako diskook kaleratu dituelarik: "Boza barruan" (Elkar 1994), "Kitarra bat nintzen" (Elkar 1996) "Aise" (Elkar 1997) "Fiordoan" (E. Ozenki 1999), "Hain guapa zaude" (Metak 2001) "Enegarren postala" (Resistencia, 2003), "Liverpool-Gernika" (Hirusta Records 2004) eta "Abenduak 29" (Resistencia, 2005). Eta bere azken lana “Konplizeak” (Elkar 2007).

Hainbat disko-liburutan parte hartu du: "Nueva Etiopia", Bernardo Atxagaren obraren inguruan, "Cantame mis canciones", Jackson