Atarrabiako Udaletxeko Berdintasun Alorrak harreman afektibo-sexualen inguruko ikastaroa antolatu du irailetik 22tik 25era, eta izen emateko epea jada irekita dago. Genero ikuspegitik enfokatuak izango da ikastaroa, eta Atarrabiako gazte elkarte, begirale zein gazteei zuzendutakoa da.

Arazo eta disfuntzio sikosozialei aurre hartzeko helburua du ikastaroak, baita giza eskubideetan oinarrituz norberaren nortasuna garatzea. Norabide horretan errespetu eta berdintasun harremanak bultzatzeko asmoa du, genero arrazoiak direla eta sortutako diskriminazioa gainditu nahian.

Horretarako integraltasuna ezaugarri duten edukiak landuko dituzte. Horien artean kokatzen dira amodioaren kontzeptu zabala, hura inguratzen duten mitoak, genero rolak, nortasun sexuala, sexualitatearen funtzioak, bikote harremanetan suerta daitezkeen arazoak eta horiei nola aurre egin.

Metodologia parte hartzailea nagusituko da, eta AECUO aukera berdintasun Aholkularitza arduratuko da ikastaroaz. Dagoeneko irekita dago izen emateko epea, eta irailaren 15era arte aukera izango da 012ra deituz zein Gaztelekuan galdetuz. Ikastaroa Gaztelekuan bertan izango da eta doakoa da.