Euskararen alde lan egiten duten eragileak, auzokideak eta haurrak eskolara eramateko adinean duten gurasoak biltzen dituen Euskal Eskolaren Aldeko Plataforma sortu da Donibanen. Plataformekoen hitzetan, «datozen ikasturteetan agintariek egoera aztertzea eta euskara ikasteko aukera berma dadila nahi dugu».

Helburu honen inguruan bildu dira Plataforma osatzen duten kide guztiak, beraien seme-alabak euskal hezkutza eredu batean matrikulatzeko zailtasunen aurrean  aurkitu  ondoren. «Gure haurrak euskaraz hezi nahi baditugu nahiko urrun eraman behar ditugu», kexatu dira Plataformako kideak, eskaera badagoela zihurtatu duten aldi berean. 

Dagoeneko euren erronkak plazaratzeko ekintzak egiten hasiak dira. Jose María Huarten egindako Elkartaratzeaz gain, ikastetxetako zuzendariekin elkarrizketak egin izan dituzte, baita auzokide eta Guraso Elkarteekin hitz egin ere. 

Bestalde, Udal eta Gobernuko zinegotziei euren kexu eta aldarrikapenak azaltzeko hitzorduak ezarri dituzte Plataformekoek,  zeinen ondoren komunikabideak berriro deituko dituzten, ondorio berriak plazaratzeko.

«Eskola aukeratzeko orduan, lehen eta bigarren aukeran euskarazko eskolak aukeratu behar ditugu. Beldurrik gabe! ». Euskal Eskolaren Aldeko taldea indartsu eta itxaropentsu agertu da, «guztion artean, Donibanen eskola euskalduna»  lortzekotan.