Auzitegi Nazional espainoleko epaile Juan del Olmok Aitor Torrea, Iñigo Gulina, David Urdin eta Jose Javier Oses Carrasco espetxeratzeko agindu du. Xabier Urdin aske utzi du baldintzarik gabe, eta Iker Gorrizi 25.000 euroko bermea ezarri dio; gaur bertan aske gera liteke. Askatasunaren arabera, Xabier Urdinek eta Iker Gorrizek torturak jasan dituztela salatu dute.

Hasiera batean Miguel Angel Carballo fiskalak bost lagunentzat espetxe eskaera egin duen arren, epaileak Iñigo Gulina, David Urdin, Jose Javier Oses Carrasco eta Aitor Torrea espetxeratzeko agindu du. Azken horren egoerak bereziki kezkatzen ditu bere senitarteakoak gaixotasun larria duelako eta zenbait botika hartzea beharrezko duelako.

Xabier Urdin aske uztea erabaki du, baldintzarik gabe, eta Iker Gorrizi 25.000 euroko bermea ezarri dio. Askatasunak adierazi duenez, gaur bertan gera liteke aske.

Horrez gain, Askatasunaren arabera, Xabier Urdinek eta Iker Gorrizek torturak jasan dituztela salatu dute. Torturen artean "poltsarena" egin dietela ohartarazi du errepresioaren kontrako taldeak eta mehatxuak ere jasan dituztela adierazi du. Gainontzeko lau lagunen deklaraziorik jasotzeko aukerarik ez dutela izan adierazi dute iturri berberek baina litekena da horiek ere tratu txarrak jasan izana.