Urtero legez, Alegria de Iruñea peñak antolatu ohi duen euskal astea datorren igandean hasiko da. Egitarauaz astebetez gozatzeko aukera egongo da, apirilaren 6an eguerdiko 12etan Alai Gazte Dantza taldeak San Frantzisko plazatik abiatuta eskainiko duten ikuskizunak egitarauari hasiera emango dio.

Asteazkenean, hilak 9, arratsaldeko 18etan, txikientzako sukaldaritza tailerra ospatuko dute. Ostegunean, aldiz, arratsaldeko 20etan bertso saioa izango da eta ostiralean musikak bere tokia izanen du, izan ere, Fermin Valenciaren kontzertua izango da 20,30etan. Eta azkenik, larunbatean sagardotegi afaria antolatu dute trikitixak lagun izango dituztela (20 euro) baita Modestok girotutako dantzaldia ere. Ekitaldi guztiak peñaren egoitzan ospatuko dira eta afarira joan nahi duen orok  peñan ipinitako listan izena eman beharko du.